【旅遊小貼士】
好多時航空公司做特價都會黎得好突然，就好似之前香港快運做既$88蚊機票，就攪到大家唔知點算好。因為年尾就要決定下年年中或年尾去唔去到旅行，成班friend想一齊去，但又驚到時先知去唔去到，咁點算呢？
我可以答你：「買左先算!」
你可能話：「雖然$88蚊，但連埋機場稅，差唔多要成千蚊，特價機票無得退ga wo。」
係，機票錢係無得退。不過，機場稅係一定可以退，只要你係無飛過，即係無用過機場設施，佢地係唔可以唔退番D錢比你。但係都要留意航空公司會否收你退款既手續費。
***個人經驗分享: 本人試過退香港航空既一click即享機票(機票連稅$1000左右)，無收手續費之餘，仲退到少少票價，可能係我早一個月退既關係，最終收番700蚊，只係蝕三舊水。***
就以香港快運為例，退機場稅就收$250蚊手續費。即係話你買$88蚊機票，可能本身比左機票連稅要＄700幾蚊，但係你最終應該只係會蝕 $88(票價）＋＄250（手續費），即係共蝕$338。
如果你唔介意可能會蝕$338蚊，但係你就可以一早買定超荀價機票，如果去得成，根本就唔叫蝕啦，直頭係賺左啦。就算去唔成都係蝕$338，或者船到橋頭自然直，到時去到又唔定。至少唔會為左買與唔買成班friend煩到死啦!
下次再遇到$88蚊既優惠，又想成班friend去旅行，不妨考慮下咁做啦! 就用$338考驗朋友之間既友誼，哈哈，睇下大家係咪真係咁想一齊去旅行，定係一路都係隨口up喇!
Search